राजनीति
काठमाडौं । प्रधानमन्त्री केपी शर्मा ओलीले पूर्वराजा ज्ञानेन्द्र शाहले उन्मुक्ति नपाउने बताएका छन् । सोमवार प्रतिनिधि सभाको बैठकलाई सम्बोधन गर्दै उनले यस्तो बताएका हुन् ।
तीनकुनेमा गत शुक्रवार भएको राजावादी समूहको आन्दोलन हिंसक हुनुमा पूर्वराजा शाहको समेत संलग्नता भएको उनले दाबी गरेका छन् ।
उनले पूर्वराजा शाहले भिडियो वक्तव्य जारी गरी भीड उक्साउने काम गरेको आरोप लगाए । उनले जुनसुकै आवरणमा पनि हिंसक आन्दोलन गर्ने जोसुकैलाई कानूनी दायरामा ल्याइने समेत दाबी गरे ।
ओलीले भने, ‘पूर्वराजा ज्ञानेन्द्र शाहले गत फागुन ७ गते सार्वजनिक भिडियो वक्तव्य जारी गर्दै भिड उक्साउने काम गर्यो । पूर्वराजा शाहले पनि उन्मुक्ति पाउनु हुन्न । फेरि राजा बन्छु, व्यवस्था मास्छु भन्नेले यी सबै श्रृंखलावद्ध घटनामा आफ्नो धारणा सर्वजनिक गर्नुपर्दैन । ’
प्रधानमन्त्री ओलीले पूर्वराजा विरुद्ध अभिव्यक्ति दिँदा राप्रपा सांसदहरुले सभामा उठेर बिरोध जनाएका थिए ।
प्रतिक्रिया दिनुहोस्: